#Бейбітшілік пен келісім

Өңірдегі этнос өкілдері тығыз шоғырланған елді мекендерге ақпараттық түсіндіру жұмыстарын жүргізу мақсатында облыстық прокуратурамен бірлесе арнайы іс-шаралар жоспарына сәйкес, ағымдағы жылдың 12 қазан күні Қордай  ауданының Степной, Қарасу, Ауқатты, Сортөбе және Масанчи ауылдық округтерінің тұрғындарымен, этномәдени бірлестік өкілдерімен, этнос жастарымен арнайы ақпараттық түсіндіру жұмыстары жүргізілді.

Ақпараттық түсіндіру жұмыстарын облыс әкімдігінің ішкі саясат басқармасының басшысы Ұ. Сламбекова, облыс прокуратурасының қоғамдық мүдделерді қорғау басқармасының аға прокуроры А. Жұмабеков және аудандық ішкі саясат бөлімінің басшысы М. Қарабаев жүргізді.

Кездесу барысында этнос жастарына, ауыл тұрғындарына өңірдегі этносаралық тұрақтылықты қамтамасыз ету, мемлекеттік тудың қолдану аясы мен этносаралық алауыздықты тудыратын жалған ақпарат таратуға жол бермеу туралы түсіндірме жұмыстары айтылды.

Бұдан бөлек, іс-шаралар жоспарына сәйкес облыс әкімдігінің ішкі саясат басқармасының «Қоғамдық келісім» КММ-нің «Ғылыми-сараптамалық қолдау» бөлімінің сарапшылары ауыл тұрғындарына арналған әлеуметтік зерттеу жұмыстарын өткізді.

Өңірдегі этнос өкілдері тығыз шоғырланған елді мекендерге ақпараттық түсіндіру жұмыстарын жүргізу мақсатында облыстық прокуратурамен бірлесе арнайы іс-шаралар жоспарына сәйкес, ағымдағы жылдың 15 қыркүйегінде Шу ауданының Қорағаты, Төле би, Қонаев, Жаңа жол ауылдық округтерінің тұрғындарымен, этномәдени бірлестік өкілдерімен, этнос жастарымен арнайы ақпараттық түсіндіру жұмыстары жүргізілді.

Ақпараттық түсіндіру жұмыстарын облыс әкімдігінің ішкі саясат басқармасының басшысы Ұ.Сламбекова, Шу ауданының аға прокуроры Н.Ахаев жүргізді.

Кездесу барысында этнос жастарына, ауыл тұрғындарына өңірдегі этносаралық тұрақтылықты қамтамасыз ету, мемлекеттік тудың қолдану аясы мен этносаралық алауыздықты тудыратын жалған ақпарат таратуға жол бермеу туралы түсіндірме жұмыстары айтылды.

Бұдан бөлек, іс-шаралар жоспарына сәйкес облыс әкімдігінің ішкі саясат басқармасының «Қоғамдық келісім» КММ-нің «Ғылыми-сараптамалық қолдау» бөлімінің сарапшылары Қорағаты, Төле би, Қонаев, Жаңа жол  ауылдарының тұрғындарына арналған әлеуметтік зерттеулер, ауыл жастарына, мектеп оқушыларына арналған «Менің елім, Менің Қазақстаным» атты тимбилдинг, «Бірлік - әралуандылықта» атты байқау, этномәдени бірлестіктерінің жастары арасында спартакиадалық ойындар және Шу аудандық мәдениет үйінде этномәдени бірлестіктері арасында «Өнерім саған Қазақстан» атты патриоттық әндер фестивалі өткізілді.

Ағымдағы жылдың 17-19 мамыр күндері Меркі ауданында облыс тұрғындарының экономикалық әлеуметтік жағдайын көтеру, ауыл тұрғындарының көкейінде жүрген түйіткілді мәселелеріне ден қою және этносарылық татулықты сақтау мақсатында «Бейбітшілік пен келісім» жобасының жұмыс топтары жоспарлы жұмыстарын жүргізді.

Жоба барысында – әр түрлі сала мамандары тұрғындармен кездесіп, кәсіби кеңестер береді, заң аясында қолдау көрсеті. Жұмыс топтарының құрамында облыс аумағындағы құқық қорғау органдарының, ішкі саясат, мәдениет, білім, спорт, дін, тілдерді дамыту, жастар, жұмыспен қамту, ветеринария, энергетика және тұрғын үй-коммуналдық шаруашылық, табиғи ресурстар басқармаларының өкілдері қабылдаулар жүргізілді.

Жоба аясында құрылған жұмысшы топтар бекітілген кестеге сәйкес Сарымолдаев, Андас батыр, Меркі, Т. Рысқұлов, Ойтал, Кеңес, Жамбыл, Аспара, Тәтті, Ақтоған, Ақарал, Ақермен елді мекендерінің тұрғындарымен кездесті.

«Этносаралық және конфессияаралық келісім» (І топ) және «Әлеуметтік-тұрмыстық мәселелерді шешу және бизнесті дамыту» (ІІ топ) жұмысшы топтары өз бағыттары бойынша ауданда – 42 іс-шара (1-топ 25 іс-шара, ІІ-топ 17 іс-шара) ұйымдастырып, барлығы – 1 722 адамды (1- топ – 692 адам, 2-топ – 1 030 адам) қамтыды.

Оның ішінде 20 – кездесу, 13 – қоғамдық қабылдау, 4 – үгіт-насихат, түсіндіру, 2 – семинар-тренинг, 3 – зерттеу іс-шаралар өткізді.

Ал, сағат 14.00-де қорытынды актив жиыны жауапты мемлекеттік орган басшылығымен және жұмысшы топтардың қатысуымен  өткізілді. Жиында жоба кезінде аудан тұрғындары көтерген түйткілді мәселелердің шешілуі бойынша түсіндірмелер берілді.

Жамбыл облысы әкімінің 2023 жылғы 4 сәуірдегі №35 өкіміне сәйкес, облыс тұрғындарының экономикалық-әлеуметтік жағдайын көтеру, ауыл тұрғындарымен кездесіп, олардың көкейінде жүрген түйіткілді мәселелеріне ден қою және этносарылық татулықты сақтау мақсатында «Бейбітшілік пен келісім» жобасының жұмыс топтары, ағымдағы жылдың 19-20 сәуір күндері Шу ауданында жоспарлы жұмыстар жүргізді.

Жоба аясында құрылған жұмысшы топтар бекітілген кестеге сәйкес Төле би, Бірлікүстем, Бәйдібек, Балуан Шолақ, Ақтөбе, Белбасар, Жаңа жол, Мойынқұм, Қонаев және Көктөбе ауыл тұрғындарымен кездесті.

«Этносаралық және конфессияаралық келісім» (І топ),  «Әлеуметтік-тұрмыстық мәселелерді шешу және бизнесті дамыту» (ІІ топ) жұмысшы топтары өз салалары бойынша ауданда – 35 іс-шара (1-топ 15 іс-шара, ІІ-топ 20 іс-шара) ұйымдастырып, барлығы – 2 496 адамды (1- топ – 903 адам, 2-топ – 1 593 адам) қамтыды. 

Оның ішінде 26 – кездесу, 5 – қоғамдық қабылдау, 2 – үгіт-насихат, түсіндіру, 2 – семинар-тренинг  өткізді.

 Жоба барысында анықталған мәселелер  облыс әкімі бекітетін Жол картасына енгізілетін болады.

Мемлекет басшысы Қасым-Жомарт Тоқаевтың тапсырмасымен бастау алған «Бейбітшілік пен келісім» жобасы Жамбыл облысында жалғасын табуда.

Аталған жоба аясында Этносаралық және конфессияаралық келісім тобы Мойынқұм ауданына жұмыс сапарымен барды.

Ауданға қарасты бірқатар ауылдардағы жағдаймен танысып, тұрғындардың талап-тілектерін тыңдады.

Мойынқұм ауданындағы басты проблемалардың бірі: білім ұяларында маман тапшылығы, интернет желісінің әлсіздігі және көгілдір отын мен ауыз су мәселесі.

Тұрғындар көтерген мәселе облыс әкімі бекітетін жол картасына енгізіліп, алдағы уақытта шешімін табады.